Ante a chegada do entroido, un ano máis o Cocido de Porco Celta convértese na estrela do RESTAURANTE O’ ASADOR, que amplía o seu menú nestas datas para iniciar as xornadas culinarias do Porco Celta e dar a benvida a un manxar de sabor inigualable.

O Porco Celta volve ao ASADOR directamente desde a montaña lucense, onde pasa a meirande parte da súa vida en liberdade, comendo castañas, http://essay-it.com/ landras e pastando en verdes e frondosos prados. Os coidados que recibe en vida mais o seu sacrificio, que se produce nunca antes de cumprir o seu primeiro ano de vida, son os segredos que lle confiren o seu sabor característico. Foi hai moi pouco, en 1998, cando se inicia o proceso de recuperación da especie autóctona ‘Porco Celta’, e a partir do ano 2000 pasou a contar co apoio e Denominación de Orixe por parte da Xunta de Galicia.

Ademais de degustar unha raza ancestral do mundo celta, os que nos visiten este días en O’ ASADOR poderán acompañar o seu menú especial de Cocido de Porco Celta cunha sobremesa propia destas datas: filloas, orellas e rosquillas  amplían a nosa carta habitual. E se prefires quedar na casa, tamén podes pedir un menú especial de Cocido de Porco Celta a domicilio.